‘K-Food MasterChef in Hong Kong 2025’韓食烹飪大賽再度回歸!

大家仲記得去年嘅大賽主題嗎？無錯！就係「醬」!

去年嘅參賽者發揮佢哋嘅小宇宙，用「醬」創造咗一道道令人意想不到嘅創意菜式！

所以今年我哋決定encore, 同時加入少少難度，以「醬」及「韓牛」作為大賽主題！

今年文化院有幸與全國韓牛協會合作，所有決賽參賽者參賽時使用嘅韓牛均會由韓牛協會提供。另外，每位決賽參賽者，不論名次，都會有一盒韓牛帶返屋企品嚐添！

同上年唔一樣嘅仲有冠軍嘅獎金！除咗有港幣5,000元嘅現金獎, 冠軍得獎者仲會受邀到韓國參加’K-Food International Amateur Chef Contest’ ，費用全數由韓食振興院資助！

自問對烹飪有信心嘅你，獎金獎品咁豐富，仲唔快啲嚟報名？

報名: 申請者需先細閱參賽指南，再填妥參加表格，於5月7日 23:59(香港時間)或以前以電郵發送至 kfood@kcchk.kr 提交申請。

查詢 Enquiries:

Tel: 2270 3512